Агрессияның болуы қоғамда зорлық-зомбылықтың көбеюіне әкеледі.
Балаларға дене зақымын әкелу агрессияның бір түрі болып табылады; бұл баланың өзін-өзі бағалау деңгейіне кері әсерін тигізе отырып, конструктивтіәрекетке көзделген ойлау қабілетін нашарлатып, наразылығын тудырады. Дене жазасын қолдану балаларды өзінің мәселесін шешуде агрессияны көрсетіп және зорлық-зомбылық арқылы шешуге үйретеді. Ата-аналар тарапынан көрсетілген зорлық баланың өзін-өзі бағалауының төмен болуына және балалық шақта ғана емес, сонымен қатар ересек кезінде де депрессияға әкелетіні дәлелденген.
Құрметті ата-аналар!
Біз, жазалау балалардың дамуына кері әсерін тигізетінін біле отырып, оларға жаза қолданамыз. Жағдайларды шешудегі балама әдістерін білеміз бе? Тентек баламен қалай өз-өзін ұстауға болады?
1.Сабырлық сақтаңыз:
егер жүйке жүйеңіз шектен асып бара жатса, ешқандай әрекет қолданбаңыз, сабырға келуге тырысыңыз. Олқылықтың болуының жиі себебі көптеген стресстік факторлар болып табылады. Жағдайға мән бермей онға дейін санап көріңіз. Өзіңізді ұстай алып, сабырлыққа келген кезде ғана жағдаяттың шешімі айқын көрінеді.
2.Өзіңізге уақыттабыңыз:
егер уақытыңызды оқуға, таза ауада қыдыруға, жаттығуларға немесе хоббиіңізге бөлсеңіз, сіз балаңызға сабырлы және ұстамдырақ бола аласыз.
3.Мейірімді болыңыз, бірақ талап қоюды ұмытпаңыз:
егер сіздің балаңыз бірнеше рет сұраған істі орындамаса, күш қолданудан бас тартып, оның назарын аудартып, түсінушілікпен қарауына қол жеткізіңіз және сұрауыңызды қайта мейірімді түрде, бірақ қатал қайталаңыз.
4.Балаға таңдау мүмкіншілігін беріңіз:
егер балаңыз тыңдамаса, оның жаман қылықтарын сипаттап, қандай шара қолдануыңызға дайын екеніңізді айтып беріңіз, оған тыңдау және тыңдамағанннан болған жазаға байланысты таңдау жасауына мүмкіндік беріңіз.
5.Бала өзінің әрекеттерінің салдарымен кездессін:
егер баланың жасаған әрекетінен теріс салдар пайда болса, балаға себеп-салдарын жоюға мүмкіншілік беріңіз. Осылай, жазадан қорқу емес, өзінің жасаған әрекеттеріне жауапкершілікті үйретесіз.
6.Балаға сізбен келісімге келуге мүмкіншілік беріңіз:
егер сіздің балаңыз араларыңыздағы келісімді бұзса, оның мінез-құлқын және сіздің сезіміңіз туралы сөйлесіңіз, сонымен қатар тағы да келісімге келуге тырысыңыз, бұл қылықты нақты жағымды әрекеттермен алмастыруға мүмкіндік бере отырып, осыдан былай мұндайды қайталамайтыны туралы үәдесін алыңыз.
7.Қақтығысқа түспеңіз:
егер бала дауласса, мұндай күйде әңгімені жалғастырып қажет емес. Ол өзінің қарым-қатынасын құрметпен көрсеткен кезде ғана сөйлесуге дайын болатыныңызды сабырлы түрде айтыңыз.
8.Талап қоюда қатал болыңыз, бірақ мейірімді түрде:
істеуге болмайтын әрекетпен айналысып отырған кезінде баланы ұрғаннан гөрі, қолынан ұстап басқа бөлмеге апарып, басқа іспен айналысуын сұраңыз. Кейде мұндайды бірнеше рет қолдануға тура келеді.
9.Өзіңіздің ниетіңізді алдын ала ескертіп қойыңыз:
оның қандай да бір ісін тоқтатуыңызға тура келетіні туралы алдын ала айтып қойыңыз. Сонда ғана ол өзінің бастаған ісін соңына дейін аяқтауға тырысып, сіздің талабыңызды орындауға дайын болады. Осылай, әлсіздіктен және балада ақпараттың жоқ болуынан пайда болатынашудан құтылассыз.
Ата-аналар!
Отбасыда қақтығыстарды күш қолданбай, бейбіт түрде шешудің мүмкіншіліктерін қарастырыңыз, келісімге келу арқылы және туындаған жағдайдан шығудың жолын баламен бірге табуға тырысыңыз. Естеріңізде болсын, балаға күш қолдану арқылы жазалаудың сан алуан балама түрлері бар.
Сұрақтарыңыз болған жағдайда сізге «№14 орта мектебі» КММ мамандары көмектесе алады:
ТЖДО - Карибаева Г.Н.
педагог-психолог - Кряжева Е.В.
педагог-психолог - Ашкенева Э.Е.
әлеуметтік педагог - Егорова О.В.
КТ бойынша инспектор - Джайсенбаева С.Б.
Біздің мекенжайымыз: 3 ықшамаудан, 23. Телефон: 5-27-94.
«№14 орта мектебі» КММ
Балаға күш қолданбай әсер етудің тоғыз ережесі
(мектепке дейінгі және бастауыш сынып оқушыларының ата-аналарына кеңес)
Риддер
2019 ж.
